Аймақтар • 12 Мамыр, 2021

Диқандар дала жұмыстарына шықты

16 рет көрсетілді

Іркес-тіркес тізілген тракторлар егіс алқаптарын бетке ала бастады. Диқандар осы шыққаннан қара күзге дейін тыным таппайды. Бірақ топырақтың қызуына қарай әр ауданда дән себу жұмыстары әртүрлі басталады.

2017-2021 жылдарға бекітіл­ген егіс алаңы құрылымын әрта­рап­тандыру туралы меморан­дум­ға сәйкес, Алтай ауданында биыл егіс алаңы 72,2 мың гектарды құрап, былтырғы дең­гей­мен салыстырғанда 0,03 мың гектарға артты. Көктемгі дән­ді дақылдарды егу биыл 40,2 мың гектарды құрады, майлы дақылдар 25,1 мың гектар, оның ішінде күнбағыс 19,4 мың гектар, рапсты 5,6 мың гектарға егу жос­пары бар.

Топырақтың құнарлылығын сақтау және ауыл шаруашылығы дақылдарының өнімділігін арттыру үшін ауданның ауылша­­­руа­­­шылық құрылымдары 5 309,5 тонна минералды тыңайт­қыш сатып алды. Сондай-ақ көк­тем­гі дала жұмыстарын жүр­гі­зу­ге ауданға 2 665 тонна дизель отыны бөлініп, былтырғы деңгейден 585 тоннаға артты.

Алтай ауданында тракторлар мен басқа техникалардың 1 009 бірлігі бар. Бұл биылғы егіс нау­қанының барлық қажеттілігін жабу­ға қауқарлы. Ағымдағы жылы көктемгі дала жұмыстарын жүр­гізу үшін ауылшаруашылық құ­рылымдары 600 млн тең­ге­ден астам сомаға 12 бірлік ауыл­шаруашылық техникасын және жабдықтарын сатып алуды жос­парлауда. Бүгінде 312 млн теңгеге 6 бірлік техника жет­кізілді.

Ал Бородулиха ауданының ауыл­шаруа­шылық бөлімі мамандары берген деректерге сенсек, биыл мұндағы егіс алқаптары 325 мың гектарды құрамақ. Жаз­дық егіс­ті сәтті жүзеге асыру үшін биыл 210 мың гектарда ылғалды жабу жұмыстары жүр­гізілетін көрінеді. Бүгінде оның 34,5 па­­­йызы орындалған. Сонымен қатар 39 мың гектар алқап жыртылып, 325 мың гектар алқап қайта өңделеді.

Жалпы алғанда, биылғы көктемгі егіс науқанына Боро­ду­лиха ауданы бойынша 1 231 шынжыр табанды және дөң­ге­лек­ті техника, 2 146 түрлі агрегат жұ­мылдырылады. Бұл техникалар егістік жұмыстарына 100 па­йыз әзір.

Шаруашылықтарды жер­гі­лік­ті жерге бейімделген дақыл тұ­қымдарымен қамтамасыз ету мақсатында аудан бойынша үш тұқым өсіруші және бір асыл тұқымды шаруашылық жұмыс іс­тейді. Бүгінгі таңда себілетін тұ­қымның 14,8 мың тоннасы, яғни 87,9 пайызы толықтай тек­се­ріліп болды.

Көктемгі егіс жұмыс­та­рын жүргізу үшін боро­ду­лиха­лық­тарға ауыл шаруа­шы­лы­ғы бас­қар­масының берген квотасына сәйкес, 6 370 тонна дизель отыны бөлінген. Оның 455 тоннасы наурызға, 1 265 тоннасы сәуірге, 3 315 тоннасы мамырға, ал 975 тон­насы маусым айына көз­дел­ген.

 

Шығыс Қазақстан облысы

Соңғы жаңалықтар

Тәуелсіздіктің 30 жылдығы Лондонда тойланды

Тәуелсіздіктің 30 жылдығы • Бүгін, 10:52

Алматыда жылу жүйесі жарылды

Аймақтар • Бүгін, 10:32

Парижде Абай бюсті ашылды

Руханият • Бүгін, 10:28

6 өңір «сары» аймақта тұр

Коронавирус • Бүгін, 09:43

Талантты жастар танылды

Өнер • Бүгін, 09:33

«Төрттік финалдан» тыс қалды

Футбол • Бүгін, 09:31

Құлпырған Қызбел

Аймақтар • Бүгін, 09:26

Отар ауылындағы оңды тірлік

Аймақтар • Бүгін, 09:21

Ұқсас жаңалықтар