Облыстық денсаулық сақтау басқармасы баспасөз қызметінің ақпаратына сүйенсек, өткен тәулікте 77 адам сауығып шыққан. Алайда, 77 адам коронавирус инфекциясын жұқтырып алған.
«Соңғы тәулікте қауіпті вирус жұқтырғандардың арасында Атырау қаласынан 49 адам бар. Теңіз кен орнында 13 науқастан коронавирус инфекциясының белгісі расталды. Сондай-ақ, Құрманғазы ауданында 5, Жылыойда – 4, Мақатта – 4, Индерде – 1, Қызылқоғада 1 тұрғыннан Covid-19 індеті анықталды. Оның ішінде 33 науқаста коронавирустың симптомды түрі байқалды» деп мәлім етті басқарманың баспасөз қызметі.
Өңірде 638 науқастың үй жағдайында емделіп жатқаны белгі болды. Ал, инфекциялық стационарларда 518 науқас жатыр. Мәселен, модульдік ауруханада – 147, Атыраудағы №2 облыстық ауруханада – 121, аудандардағы инфекциялық стационарларда – 121, фтизиопульмонологиялық орталықта 53 пациент оқшауланған.
