«Бұл кенеттен туындайтын гидрометеорологиялық құбылыс, ауа массасы ауысқан кезде және температура өзгергенде пайда болады. Талшық елді мекенінде орналасқан автоматтандырылған метестансасында да шаңды дауыл тіркелді. Ол ауылда желдің екпіні секундына 24 метрге дейін жеткен. Бұл ауа райының қауіпті құбылысына жатады», дейді «Қазгидромет» РМК СҚО филиалының директоры Қымбат Мерғалимова.
Дәл осындай дауыл Уәлиханов ауданының Кішкенекөл елді мекенінде де байқалды. Ол жерде желдің екпіні секундына 17 метр болған.
