Ірі спорт кешенін салған мердігер «Дан-Строй» АҚ, «Тол-Құрылыс» ЖШС және «Соната-В» секілді компания өкілдері қала әкімдігінен 2015 жылдан бергі тиісті ақшаларын ала алмай келе жатқанын айтты.
«2014-2015 жылдары біз К-60, К-40 және К-20 үш трамплинін салдық. Ол трамплиндердің барлығының ақшасы төленді. Үшінші кезеңдегі спортзал және т.б ақша болмай, біз сала алмаймыз дедік. Содан қалалық әкімшілікке консервацияға жабайық немесе күзеттің ақшасын төлеңіздер деп өтініш хат жаздық. Бірақ олар консервацияға да жапқан жоқ, күзеттің де ақшасын төлеген жоқ. Кейіннен «өзіміз инвестор табамыз, сосын істеген ақшаларыңды толығымен қайтарып береміз» деді. Инвесторға сатты. Олар 40 миллиондай төледі. Қалғаны «жабулы қазақ жабулы күйінде қалды». Содан бері біз ақшамызды ала алмай жүрміз», дейді Иманқұлов.
Оның айтуынша, әкімдік мердігерлерге 3 миллиард 265 миллион теңге берешек.
«Қазір әкімшілік ешқандай қарызымыз жоқ деп отыр. Бірақ шын мәнінде әкімдіктің 3 миллиард 265 миллион 300 мың теңге қарыз екені жөнінде құжаттар бар... 2016 жылы Қаржы министрлігі біздің сұрауымызға қарыздары бар екенін мойындап жауап берген», дейді Әбдразақ Байболатов.
