Бұл туралы аудандық полиция бөліміне 20 мамырда сағат 23:40 шамасында хабар түскен.
«Бір топ жасөспірім Құлсары қаласындағы Махамбет даңғылында орналасқан «Иранбақ» дәмханасының алдында өзара дауласып, шу шығарған. Осыған байланысты жедел-тергеу тобы көрсетілген орыннан кәмелетке толмаған жасөспірімдерді анықтап, полиция бөлімшесіне жеткізді. Олардың түнгі уақытта заңды өкілдерінсіз тұрғын үйден тыс жерде жүргені үшін ата-аналарына қатысты әкімшілік хаттамалар толтырылды» деп хабарлады облыстық полиция департаментінің баспасөз қызметі.
Қазір Жылыой аудандық полиция бөлімі аталған қылмыстық құқық бұзушылық дерегін жан-жақты, толық әрі объективті зерттеу үшін Қылмыстық Кодекстің 293-бабымен (Бұзақылық) сотқа дейінгі тергеу жүргізіп жатыр.
