Матчтың негізгі уақыты тең аяқталды – 1:1. «Вильярреала» форварды Жерара Морено 29-минутта есеп ашқан. Бұған дейін «қызыл сойқандар» екінші таймның басында Эдинсон Каванидің дәл соққысымен жауап қатты.
Қарсыластар овертаймда да жеңімпазды анықтай алмады, сондықтан матчтан кейінгі пенальти сериясы болды. Пенальти ұзаққа созылды, алаңдағы 20 ойыншының бәрі дәл соққы жасады. Испаниялық клубтың қақпашысы Херонимо Рульи де нүктеге келіп, гол соқты. Ал «Манчестер» голкипері Давид де Хеа пенальтиден мүлт кетті.
Осылайша, «Вилльярреал» пенальти сериясында 11:10 есебімен жеңіп, тарихында тұңғыш рет Еуропа лигасының жеңімпазы атанды. Испаниялық клубтың бас бапкері Унаи Эмери үшін бұл алғашқы жүлде емес. Ол Еуропа лигасында төртінші рет топ жарып отыр, бұл турнирдің рекорды саналады.
Еуропа лигасы-2020/2021. Финал. Гданьск (Польша)
«Вильярреал» (Испания) – «Манчестер Юнайтед» (Англия) 1:1, пен. 11:10 (1:0, 1:1)
Голдар: 1:0 – Ж. Морено (29), 1:1 – Кавани (55)
