Министрдің айтуынша, бұл инвестициялар нақты нәтиже бере бастаған. Соңғы екі жылда тіркелген байланыс абоненттерінің саны 19%-ға, ал мобильді байланыс пайдаланушыларының саны 12%-ға артқан.
Сонымен қатар мобильді интернеттің орташа жылдамдығы 75%-ға өссе, интернет-трафик көлемі 67%-ға көбейген.
«Біз барлық бағыт бойынша айтарлықтай өсімді байқап отырмыз. Интернет трафигі, жылдамдық және абоненттер саны тұрақты түрде артып келеді», деді министр Мәжіліс отырысында.
Автоқоңырау мен шетелдік нөмірлер арқылы жасалатын шабуылдарға қашан тосқауыл қойылады?
Оның сөзінше, бұл көрсеткіштер базалық станциялар инфрақұрылымын кеңейту есебінен қамтамасыз етіліп отыр. Қазіргі уақытта елде ескірген 3G технологиясынан кезең-кезеңімен бас тарту жұмыстары жалғасып жатыр.
Бүгінде тек 3G байланысымен қамтылған ауылдар саны бес еседен астам қысқарып, шамамен 550 елді мекенді құрайды. Бұл желілерді 4G стандартына жаңғырту арқылы жүзеге асырылады. Сонымен қатар 5G базалық станцияларын салу жұмыстары қарқынды жүргізіліп жатыр.
Смартфоныңызды бөгде адамға беруге болмайды: Қазақстанда жаңа тыйым енгізілмек
Ведомство мәліметінше, алдағы екі жылда 3,5 мыңнан астам ауыл жоғары жылдамдықтағы интернетпен қамтылады. Соның нәтижесінде ауылдарды оптикалық интернетпен қамту деңгейі қазіргі 43%-дан 92%-ға дейін өседі.
Сондай-ақ биыл республикалық маңызы бар автожолдарды мобильді интернетпен қамту, ал келесі жылы негізгі облыстық трассаларда интернет желісін іске қосу жоспарланып отыр.
Нұрболат АМАНБЕК
