Парламент • 27 Мамыр, 2021

Қазақстан мен Бельгия арасында парламентаралық байланыс нығаяды

315 рет

көрсетілді

1 мин

оқу үшін

Қазақстан мен Бельгия арасында парламентаралық байланыс одан әрі нығая түседі. Бұл туралы Қазақстан Парламенті Мәжілісінің төрағасы Нұрлан Нығматулиннің Бельгия Корольдігінің Федералдық Парламенті Өкілдер палатасының Спикері Элиан Тильёмен кездесуінде айтылды, деп хабарлайды Egemen.kz.

Гауһар ҚАПАШ

Қазақстан мен Бельгия арасында парламентаралық байланыс нығаяды

Басқосу бейнеконференция форматында өтті. Спикерлер екі ел арасындағы ынтымақтастықты арттырып, саяси жүйені жаңғырту мәселелерін талқылады.

Нұрлан Нығматулин мемлекет пен қоғам арасындағы диалогты кеңейту, сондай-ақ осы бағыттағы қазақстандық заңнаманы жетілдіру туралы айтты.

Өз кезегінде Элиан Тильё екі ел арасындағы дипломатиялық қатынастың орнағанына 30 жыл толатынын атап өтіп, қалыптасқан саяси-экономикалық байланысты одан әрі нығайтуға ниетті екенін жеткізді.