Бұл шешім президент Лукашенкомен екі күнге созылған келіссөз нәтижесінде қабылданды. Келіссөз Сочиде Қара теңіздегі кемелердің бірінде өтті.
Бұл қаражат Мәскеудің Беларуське екіжақты қарым-қатынасты нығайту, серіктестікті дамыту мақсатында қарызға берілетін 1,5 млрд АҚШ доллардың бір бөлігі. Минск бұл келісімнің бірінші бөлігін, яғни 500 млн долларды қазан айында алған еді. Енді екінші траншты маусымға дейін алып үлгеретіні мәлім болды.
Путин болса, еуропалық әріптестерінің ұшаққа қатысты оқиғаға жауабын сынға алды. Президенттің ойынша, бұл – эмоцияға беріліп жасалған әрекет. Ресей өз кезегінде, керісінше, Беларуське қатынайтын ұшақтар санын арттырмақ. Кремльдің баспасөз хатшысы Дмитрий Песков: «Бұл шешім Беларуське санкция салдарынан келетін шығынды азайтуға көмектеспек», дейді.
Екі күнге созылған кемедегі кездесуде Путин мен Лукашенко әуе қатынасы мен «Белавия» компаниясының ұшатын бағыттарын талқылады. Екі елдің көлік министрліктері әуе қатынасының жаңа жоспарын дайындайтын болды. «Белавияның» елге оралу бағытын қайта қарастыру керек. Ол үшін барлық мүмкін бағыттар есепке алынады», деді Ресей тарапы.
Сонымен қатар Дмитрий Песков президенттер ұшақта болған Протасевич пен Сапеганың да жайын талқылады. Д.Песков бұл тақырыпты Владимир Путин өзі көтергенін, Ресей азаматы Сапеганың тағдыры оларды бейжай қалдырмайтынын хабарлады.
«Кремль Сапеганың Беларусьте тұруға рұқсаты барын енді білді. Дегенмен бәрі заң аясында шешілуі керек. Президент Путин Сыртқы істер министріне азаматымыздың ісін бақылауға алып, назардан шығармау жөнінде тапсырма берді», деді Д.Песков.
