Бұл туралы Өңірлік коммуникациялар қызметінде өткен баспасөз конференциясында АШМ Ветеринарлық бақылау және қадағалау комитетінің Павлодар облыстық аумақтық инспекциясының басшысы Рашид Нұрбеков мәлім етті.
– Биыл Павлодар облысынан бес мың тоннадан астам бақылаудағы тауарлар, оның ішінде Ресейге 38 тонна құс еті, күркетауық, 383 тонна ет өнімдері, 576 мың жұмыртқа, 505 тонна сүт және сүт өнімдері, 15 тонна ІҚМ терісі экспортталды. Біріккен Араб Әмірліктеріне 33 тонна қой еті, Қырғызстан Республикасына – 2 тонна бал, Қытайға – 2974 тонна арпа, жемшөп, 186 тонна артемия цистасы экспортталды. 457 тонна шаян тәрізділер Өзбекстанға да жеткізілді, – дейді Рашид Нұрбеков.
Облыстың ветеринарлары өздері бақылайтын, соның ішінде Ресейден және Қазақстанға жақын облыстардан объектілердің импорты, экспорты, транзиті кезінде сырттан инфекцияның әкелінуінің алдын алуды қадағалайды.
Жыл басынан бері ветеринарлық мамандар 8 мың тоннадан астам өнім тасымалдаған 1200-ден астам автокөлікті тексерді.
Айта кетейік, өңірге РФ, Чехия, Германия, Аустрия және Венгриядан 3042 бас ірі қара мал жеткізілді.
