Аймақтар • 03 Маусым, 2021

Орал қаласында спорт және ойын алаңдары көбейді

109 рет көрсетілді

Орал қаласында биыл жыл соңына дейін 20 спорттық және ойын алаңы ашылады, деп хабарлайды Egemen.kz.

Жақында Орал қаласының үш ауданында спорттық және балаларға арналған ойын алаңдары пайдалануға берілді. Балаларды қорғау күні аясында ашылған бұл нысандар қала балалары үшін үлкен сый болғаны анық.

- Қаламызда көпқабатты үйлердің аулаларын жаңарту, әсіресе балалар мен жасөспірімдердің ойыны мен жаттығулар жүргізуіне қолайлы жағдай жасау бағытында көп жұмыс жасалып жатыр. 2021 жылдың аяғына дейін тағы 16 алаңды пайдалануға береміз. Бұл алаңдардың құрылысын қалалық құрылыс бөлімінің тапсырысымен «Жайық Сити» мекемесі атқаруда, - дейді Орал қалалық спорт бөлімінің басшысы Артур Шерғалиев.

Жастар мен балалардың қуанышын бөлісуге Орал қаласының әкімі Абат Шыныбеков, мәслихат депутаттары қатысты. Айта кетейік, жаңадан ашылған алаңдарда ең кішкентай бүлдіршіндерге арналған ойын кешенінен бастап, жасөспірімдер мен ересектердің спортпен айналысуына қажетті құрылғының бәрі бар.

Қазірдің өзінде Батыс Қазақстан облысының орталығында 60-тан астам спорттық алаң халыққа қызмет көрсетіп тұр. Соның 50-і «Орал» спорт клубының балансында. Спорт алаңдары, қысқы және жазғы ойын қораптары аудандар мен ауылдарда да жаппай ашылып жатыр. Бұл халықты, әсіресе жастарды салауатты өмір сүруге, спортқа баулуға әсер етеді.

 

Батыс Қазақстан

Соңғы жаңалықтар

Бүгінгі валюта бағамы

Қаржы • Бүгін, 10:17

Елімізде 9,5 млн адам екпе салдырды

Коронавирус • Бүгін, 09:49

COVID-19: Елімізде 1338 адам емделіп шықты

Коронавирус • Бүгін, 09:08

Ұқсас жаңалықтар