Аймақтар • 12 Маусым, 2021

Атыраулық бапкер әлем чемпионатынан қола жүлде иеленді

323 рет
көрсетілді
1 мин
оқу үшін

Облыстық спорт және дене шынықтыру басқармасы баспасөз қызметінің ақпаратына сүйенсек, 4-8 маусымда Ташкент қаласында қоян-қолтық ұрыстан әлем чемпионаты өткен, деп хабарлайды Egemen.kz.

Атыраулық бапкер әлем чемпионатынан қола жүлде иеленді

«Әлем чемпионатына 38 елден 240 спортшы қатысты. Атыраулық спортшы Хайдар Есенғалиев өзін-өзі қорғау бойынша ауыр салмақта бақ сынады. Ол Қырғыз Республикасының қос спортшысы мен Румынияның өкілдерін ұтты. Ал, жартылай финалда Өзбекстан спортшысына есе жіберді. Сөйтіп, ол әлем чемпионатының қола жүлдесін иеленді», деп хабарлады басқарманың баспасөз қызметі.

Хайдар Есенғалиев – қоян-қолтық ұрыстан Атырау облысының аға жаттықтырушысы.  Әлем және Азия чемпиондарын дайындап шығарған.