Ойындағы алғашқы голды 53-ші минутта Түркия қорғаушысы Мерих Демирел өз қақпасына кіргізіп алды. Содан кейін Апеннин түбегінің өкілдері тағы екі гол салды. 66 минутта Иммобиле қақпашыны қапы қалдырса, 79-шы минутта шабуылшы Инсинье мергендігімен танылды.
Есеп 3:0 болғаны әсер етті ме, ойынның соңғы 2 минутында түрік футболшылары 2 сары қағаз да алып үлгерді. Ескерту алғандар: Сеюнджю (88) мен Дервишоглу (90).
Айта кетейік, ойын елорда уақытымен 00:50-де «Qazaqstan» және «Qazsport» телеарналарынан тікелей эфирде басталды.
Биылғы біріншілікте барлығы 24 құрама сынға түседі. Әрбір топтан үздік екі команда мен көрсеткіші жоғары төрт құрама жарысты жалғастыруға мүмкіндік алады. Құрамалар төмендегі топтарға бөлінген:
А тобы: Уэльс, Швейцария, Түркия, Италия;
В тобы: Финляндия, Бельгия, Ресей, Дания;
С тобы: Украина, Австрия, Солтүстік Македония, Нидерланды;
D тобы: Хорватия, Шотландия, Чехия, Англия;
E тобы: Швеция, Польша, Словакия, Испания;
F тобы: Германия, Венгрия; Португалия, Франция;
