Қоғам • 25 Маусым, 2021

«Қызға қол көтерген жоқпын». Талғат Мұсабаев саябақтағы жағдайға қатысты пікір білдірді

497 рет көрсетілді

Сенат депутаты Талғат Мұсабаев Нұр-Сұлтан қаласының тұрғыны – саябақта серуендеп жүрген Алина Нұртасқа қатысты ақпаратқа түсініктеме берді, деп хабарлайды Egemen.kz.

«24 маусымда Триатлон-паркте болған оқиғаға байланысты мынаны атап өту маңызды деп санаймын. Саябақта досыммен серуендеу кезінде итпен бірге келе жатқан қыз жүгіру жолымен қарсы келе жатыр екен. Мен оған «неге иттің тұмылдырығы жоқ» деп ескерту жасадым. Өйткені бұл басқа адамдар үшін қауіпті болуы мүмкін деп ойладым. Бұған біз жауап ретінде жағымсыз және дөрекі сөздерді естідік. Дөрекі сөз туралы қыз өзінің әлеуметтік желілердегі парақшасында жазды», деді Талғат Мұсабаев.

Сенатордың айтуынша, қыз полиция шақырғаннан кейін ол тәртіп сақшыларының келуін күтіп, қажет болған жағдайда заң бойынша жауап беруге және өз сөзінің дұрыстығын қорғауға дайын болған.

«Полиция келгеннен кейін, яғни, ІІМ-нің екі қызметкеріне түсініктеме бердік. Оның ішінде өтініш беруші де түсініктеме берді. Менің тарапыма сол жерде заңсыз әрекеттер туралы, әсіресе қандай да бір дене жарақатын жасау туралы айыптаулар болған жоқ. Оның үстіне, қыз бізге қолын созып, кешірім сұрады. Мен оның ұрып-соғу туралы айыптауларын негізсіз деп санаймын», деп қосты сенатор.

Естеріңізге сала кетейік, бұған дейін Алина Нұртас Халық қаһарманының қол көтергенін айтып, Instagram желісінде жазба қалдырды.

Соңғы жаңалықтар

«Сәтемір хан» кім?

Руханият • Кеше

«Есіл өзен»

Өнер • Кеше

Тасада қалған тұлға

Тарих • Кеше

Сахна суреткері

Өнер • Кеше

Ұқсас жаңалықтар