«Бағдарламаға «Көпбалалы отбасылар» санаты бойынша баспана кезегінде тұрған азаматтар ғана қатыса алады. Егер көпбалалы отбасы бола тұра, басқа санат бойынша кезекте тұрса, бағдарламаға қатыса алмайды», делінген хабарламада.
Пәтерлердің жалпы саны: 285.
Барлығы екі бөлмелі, ауданы: 53,4-57,7 шаршы метр.
Орналасқан жері: Қордай көшесі, 79 ,79а және Абылай хан 56 және 56а көшесі.
Құжаттарды қабылдау 27 маусым күні сағат 00:00-де басталып, 27 шілде сағат 23:59-ға дейін жалғасады.
«Құжаттарды қабылдау тек электронды түрде qatysu.zhilfond.kz порталы арқылы жүзеге асырылады. Өтінішті барлық жылдардағы (2006-2021) кезекте тұрған азаматтар бере алады, алайда қатысуға өтініш берген кезекте тұрғандар арасынан алдымен кезекке ерте тұрғандар өтеді», деп атап көрсетті мамандар.
Өтініш беру үшін:
ЭЦҚ кілті;
Отбасының барлық мүшелеріне ҚР бойынша жылжымайтын мүліктің болмауы немесе болуы туралы анықтаманың сканерленген нұсқасы;
Балалардың туу туралы куәліктерінің/отбасы мүшелерінің жеке куәлігі (болған жағдайда) сканерленген нұсқасы;
Неке қию /некені бұзу /әке болуды анықтау туралы куәліктің /№4 нысан /қайтыс болу туралы куәлік (болған жағдайда) сканерленген нұсқасы;
Жылжымайтын мүліктің құқық белгілейтін құжаттарының (болған жағдайда) сканерленген нұсқасы;
Мүгедектік туралы анықтаманың (болған жағдайда) сканерленген нұсқасы;
Созылмалы аурудың толық атауы, жеке бөлмеге мұқтаждығы және белгілі бір қабаты көрсетілген созылмалы аурудың медициналық қорытындысының (болған жағдайда) сканерленген нұсқасы.
Өтініштерді қарау нәтижесі zhilfond.kz және zhil-astana.kz сайттарында, сондай-ақ, тұрғын үй орталығының әлеуметтік желілерінде жарияланады.
