Аймақтар • 29 Маусым, 2021

Айтылмаған Алтайдағы сарқырама

1037 рет көрсетілді

Қайдан білгенбіз?! Осы уақытқа дейін еліміздегі ең биік сарқырама Жоңғар Алатауындағы Бұрхан бұлақ, Алтайдағы Көккөл екен деп жүрсек, одан да биігі бар екен ғой. Көнекөздер айтпақшы, Өр Алтайдың бүккен сыры көп. Әнеугүні тау кезбе фотограф Евгений Домашев тікұшақпен Мұзтауға қарай ұшып бара жатып, жақпар тасты шыңнан құлай аққан биік сарқыраманы суретке тартыпты.

Евгений Домашев Алтайдың тұмса табиғатын фотоға түсі­румен ондаған жылдан бері ай­налысады. Мұзтауға дейінгі жолдың соқпағын бес сауса­ғындай біледі. Жо-жоқ, Алтай – жұмбақ. Әр барған сайын таң­ғалдырады, әр барған сайын өзіне ғашық етеді. Бес сау­са­ғындай біледі дегенім, жал­ған­дау. Шығыстың бұл пұш­пағындағы тылсым мекендерді Рерихтердің өзі толықтай аша ал­мады-ау деймін. Әйтпесе Е.До­машев түсірген сарқыраманы т­а­рихи жазбалардан көзіміз шалар еді ғой. Мүмкін кейін пайда болды ма?
– Мұзтауды тікұшақпен бетке алдық. Зеңгір көкте емес, тау-таудың арасымен ұштық. Әр сәтті суретке тартуға тырыс­тым. Бір кезде қарсы алды­мыз­дағы биіктен құлай аққан сар­қыраманы көзім шалды. Ал­тай­дың қойын-қолатын қанша араласам да, бұл көріністі бі­рінші рет көрдім. Ғажап! Кейін 50 000 масштабтағы рельефті кар­­тадан судың құлау биік­тігін есептесем, 292 метр екен. Ой­ла­ңыз, 300 метр­ге таяу, – деп таң­ғалады фо­то­граф Ев­гений Домашев.
Фотографтың айтқан сар­қы­рамасы сонау Мұзтаудың мұз­дықтарынан басталып, Ақбұл­қақ өзеніне құятын көрінеді. Нақты ақпарат айту үшін адам аяғы бас­паған бұл маңға зерттеушілер ат ізін салуы керек шығар. Ең бас­­ты­сы, үлкен жаңалық ашылды. Ен­дігі кезекте арнайы маман­дар на­зар аударып, зерттеуі керек.

Шығыс Қазақстан облысы

Соңғы жаңалықтар

Ұқсас жаңалықтар