Шара аясында 4 686 құжатсыз адам анықталды. Олардың басым бөлігі – Алматы, Қарағанды, Түркістан, Ақмола, Жамбыл облыстарында тіркелген.
«3 408 адам жеке басын куәландыратын құжат алды, 1 278 - қатысты адамдарды құжаттандыру мәселесі аяқталуда. 1797 адам бұрынғы КСРО-ның қызыл төлқұжатымен жүрген. Қазіргі кезде аталған науқан жалғасуда», деді С.Сейтжанов.
Оның айтуынша, мүлдем құжатсыз жүрген азаматтар өздерінің құқықтық мәртебесін анықтау және жеке басын куәландыратын құжат алу үшін жергілікті көші-қон қызметі бөлімдеріне жүгіне алады.
