![Өзбекстан президенті Елбасыны туған күнімен құттықтады](/media/2021/07/06/94f56481-69a8-4bf0-a38f-0b4ef6fec2a7.jpeg)
Шавкат Мирзиёев Қазақстанның Тұңғыш Президентін туған күнімен құттықтап, зор денсаулық, бақыт пен Қазақстан халқының мүддесі жолындағы жауапты қызметіне жаңа жетістіктер тіледі.
Өзбекстан Президенті Нұрсұлтан Назарбаев өз елінің көшбасшысы, тиімді реформалардың негізін салушы, әлемдік қоғамдастық мойындаған жаһандық бастамалардың авторы, сондай-ақ Қазақстан-Өзбекстан стратегиялық серіктестік қатынастарының іргесін қалаушы ретінде үлкен құрметке ие болғанын атап өтті.
Елбасы Шавкат Мирзиёевке жылы лебіздері үшін ризашылығын білдіріп, бауырлас екі ел арасындағы достық пен тату көршілік қатынастарды жоғары бағалады.