Облыстық денсаулық сақтау басқармасы баспасөз қызметінің ақпаратына сүйенсек, өткен тәулікте 157 адам қауіпті вирусты жұқтырған. Оның ішінде 104 жағдай Атырау қаласында тіркеліп отыр.
Сондай-ақ Жылыой ауданындағы Теңіз кен орнында 13, Жылыой ауданында 15, Индерде – 10, Құрманғазыда – 9, Исатайда – 8, Мақатта – 4, Махамбет ауданында 2 адамнан коронавиурс инфекциясының белгісі анықталған.
«Қазір үй жағдайында 730 адам емделіп жатыр. Бұған қоса, модульдік ауруханада – 193, №2 облыстық ауруханада – 143, аудандардағы стационарларда – 144, фтизиопульманологиялық орталықта 67 науқас емделуде. Ал, Теңіз кен орнындағы инфекциялық стационарда 44 науқас оқшауланды», деп хабарлады басқарманың баспасөз қызметі.
