Көп қабатты үйдің кіреберісіндегі электр желісінен өрт шыққаны туралы 102 пультіне хабар түскен. Оқиға орнына жедел жеткен учаскелік полиция инспекторлары, полиция капитаны Парахат Пірмағамбетов, полиция аға лейтенанты Ғарифолла Сағидоллин, патрульдік полиция взводының қызмет инспекторлары, полиция аға лейтенанты Айдар Шәріпов, полиция аға лейтенанты Рүстем Сарузинов, полиция кіші лейтенанты Қуантқан Сағидоллаев және Әлішер Сәндібаев түтінге оранған көп қабатты үйдің 30 тұрғынын шұғыл эвакуациялаған. Оның 10-ы – балалар.
«Түтіннен үйдің кіреберісіне кіру мүмкін емес. Тұрғындар көмек сұрап, айқайлап жатты. Ойланатын уақыт болмады. Алдымен балаларды киіммен бүркеп, далаға алып шықтық. Ешкім зардап шекпеді», дейді патрульдік полиция взводының қызмет инспекторы, полиция аға лейтенанты Айдар Шәріпов.
