Жалғас Жұмағұлов алғашқы жеңісіне қол жеткізді

Ол Лас-Вегаста (Невада штаты, АҚШ) өткен UFC 264 турнирінде америкалық Джером Риверамен (10-5) айқасты. Ең жеңіл салмақтағы жекпе-жек үш раундқа жоспарланған еді, алайда Жұмағұлов бірінші раундта қарсыласын тізе бүктірді.

Осылайша, Жалғас Жұмағұлов үшін бұл жеңіс кәсіби мансабындағы он төртінші және UFC-дегі бірінші жеңісі болып отыр. Промоушндегі алдыңғы екі ойында төрешілердің бірауыз шешімімен бразилиялық Раулиан Пайвадан (20-3) және швед Амир Альбазиден (14-1) жеңіліп қалды.