![Атырауда барлығы 1,2 млн ПТР-тест өткізілген](/media/2021/07/08/kak-projti-test-na-koronavirus-v-kazaxstane.jpg)
Облыстық Денсаулық сақтау басқармасының басшысы Асхан Байдуәлиевтің айтуынша, Атырауда коронавирус инфекциясына қарсы зерттеу жүргізілетін 14 ПТР-зертхана жұмыс істейді.
«Қазір облыстағы ПТР-зертханаларда тәулігіне 14 мыңнан астам зерттеу жүргізіледі. Елімізде коронавирус инфекциясы тіркелгеннен былтырғы наурыздан бері өңірде жүргізілген ПТР-тест саны 1 млн 292 мыңды құрады. Атырау облысы елімізде өткізілген тест саны бойынша алдыңғы орында тұр» деді Асхан Байдуәлиев.