Тағайындау • 13 Шілде, 2021

Шымкентте Сыбайлас жемқорлыққа қарсы қызметке жаңа басшы тағайындалды

808 рет
көрсетілді
1 мин
оқу үшін

Сыбайлас жемқорлыққа қарсы іс-қимыл Агенттігі төрағасының орынбасары Мақсат Қожабаев Шымкент қаласы бойынша Сыбайлас жемқорлыққа қарсы қызметінің жаңа басшысы Шаттық Утеевті қала активіне таныстырды, деп жазады Egemen.kz.

Шымкентте Сыбайлас жемқорлыққа қарсы қызметке жаңа басшы тағайындалды

Шаттық Утеев 1971 жылы Маңғыстау облысында дүниеге келген.

Білімі жоғары. Алматы қаласындағы Қазақ мемлекеттік басқару академиясын, Ақтау мемлекеттік университетін бітірген.

1999-2001 жылдары – Маңғыстау облысы бойынша Салық полициясы комитеті басқармасының инспекторы,

2001-2002 жылдары – Маңғыстау облысы бойынша қаржы полициясы департаменті экономикалық қылмыстарды анықтау басқармасы екінші бөлімінің аға инспекторы,

2002-2014 жылдары – қаржы полициясы органдарында қызмет атқарған.

Сондай-ақ 2014-2016 жылдары – Мемлекеттік қызмет істері және сыбайлас жемқорлыққа қарсы іс-қимыл Агенттігінің Алматы қаласы бойынша департаментінің басшысы,

2016-2018 жылдары – Мемлекеттік қызмет істері және сыбайлас жемқорлыққа қарсы іс-қимыл Агенттігі Сыбайлас жемқорлыққа қарсы іс-қимыл ұлттық бюросының (Сыбайлас жемқорлыққа қарсы қызмет) Қарағанды қаласы бойынша департаментінің басшысы болды.

Ал 2018-2019 жылдары – Мемлекеттік қызмет істері және сыбайлас жемқорлыққа қарсы іс-қимыл Агенттігінің Сыбайлас жемқорлыққа қарсы іс-қимыл ұлттық бюросы басшысының орынбасары болған.

Қазіргі тағайындауға дейін Сыбайлас жемқорлыққа қарсы іс-қимыл Агенттігі департаментінің басшысы қызметін атқарған.