Спорт • 15 Шілде, 2021

Луценко Олимпиадада топ жаруы мүмкін

51 рет көрсетілді

Токио Олимпиадасында велоспорттан ел намысын үш спортшы қорғайды. Олар ­­­­‒ Алексей Луценко, Дмитрий Груздев және Вадим Пронский. Олимпия ойындарында Қазақстан командасының капитаны міндетін Алексей Луценко атқарады. 

Үш спортшының арқасында велошабандоздар жекелей және топтық сында өнер көрсетуге мүмкіндік алып отыр. Біз мұндай жетістікке соңғы рет 2004 жылы Афина Олимпиадасында ғана жеткен екенбіз.

Халықаралық велоспорт федерациясының қорытынды рейтингісі бойынша Қазақстан командасы үш лицензия иеленген болатын. Ұпай жинау кезеңдері 2018 жылдың 22 қазаны мен 2019 жылдың 22 қазаны аралығын қамтыды. Қорытынды есепте біздің команда 3259,35 ұпаймен 19-орынға табан тіреді. Бұл ретте 2019 жылы Қазақстан қоржынын маңызды ұпайлармен толтырған Алексей Луценконың еңбегі ерекше. Сондай-ақ қазақстандық велошабандоздар Азия чемпионатында үш алтын алып, команда рейтингіне 555 ұпай қосты. Осылайша, 2004 жылдан бері алғаш рет топтық сында Қазақстан атынан үш спортшы бақ сынайды. 

Біз бүгін команданың көшбасшысы Алексей Луценконы жай айтып отырған жоқпыз. Себебі ол бұған дейін қаншама ірі турнирлерде жүлде алып жүрген бірден-бір отандасымыз. Тіпті оған 2016 жылы Рио Олимпиадасында үлкен үмітпен қараған да едік. Алайда оның жоспарларына жарақат кедергі келтірді, сол себепті ол басты стартқа бармады.

‒ Олимпиада ‒ кез келген спортшының мансабындағы ең үлкен шың. Жарақаттың салдарынан мен Риоға қатыса алмадым. Содан бері мен дайындықты тоқтатпадым. Керісінше, шеберлігімді арттырдым. Сондықтан Олимпиадада жақсы нәтижені көрсеткім келеді, ‒ деді Алексей Луценко.

Содан бері бес жыл артта қалды. Луценко ширады, Тур де Франц, Жиро д Италия, Вуэльта сынды көпкүндікке қатысып тәжірибе жинады. Жинаған тәжірибенің арқасында ол Азия ойындарының екі дүркін чемпионы, Азия чемпионатының жеңімпазы атанды. Одан бөлек, Оман, Түркия, Аустрия және Қытайда өткен веложарыстарда топ басынан көріне алды.

Олимпиада алдында құраманың бас бапкері Асан Базаев спортшылардың дайындығы жайлы айтып берді.

­‒ Жарыста Луценко капитан ретінде қатысады. Груздев пен Пронский оған көмектеседі. Алғашында Андрей Зейцті Олимпиадаға апарамыз деп ойлаған едік. Алайда ол жарақатынан кейін бабына келе алмады. Дәл қазір Дмитрий Груздев нағыз бабында. Вадим Пронский «Джиродан» кейін жақсы нәтиже көрсетіп жүр. Алексейге көмегі көп болары анық, ‒ деді бас бапкер.

Бас бапкердің айтуынша, қазақстандық спортшылар Токиода сәтті өнер көрсетіп, жүлде алып қалуымыз да ғажап емес.

Ерлер арасындағы бәсеке 24 шілде күні топтық жарыспен басталады. Жарысқа 130 спортшы қатысады деп күтілуде. Ал жекелей сында Алексей Луценко ғана бақ сынайды.

Соңғы жаңалықтар

Әбілхан кәсіпқой боксқа ауысты ма?

Кәсіпқой бокс • Бүгін, 12:39

7361 турист елге оралды

Қоғам • Бүгін, 12:20

Резервте қанша дәрігер бар?

Коронавирус • Бүгін, 12:16

Елде шектеу шаралары күшейтілді

Коронавирус • Бүгін, 11:45

Қанат Ислам рейтингте төмендеді

Кәсіпқой бокс • Бүгін, 10:30

«Сары» аймақта жалғыз-ақ өңір қалды

Коронавирус • Бүгін, 09:56

1142 адам коронавирустан сауықты

Коронавирус • Бүгін, 09:05

Жәнібек төртінші орында

Бокс • Бүгін, 08:59

Тұңғыш рет қатысады

Қысқы спорт • Бүгін, 08:55

Шыршалар «шырылдамайды»

Аймақтар • Бүгін, 08:52

Бублик екінші кезеңге өтті

Теннис • Бүгін, 08:50

Чемпионды күтіп алды

Спорт • Бүгін, 08:42

Жетісу: жағдай тұрақталды ма?

Аймақтар • Бүгін, 08:39

Ақтөбе:«Қаңтар сабақтары»

Аймақтар • Бүгін, 08:35

Ұқсас жаңалықтар