Өскемен қаласы ПБ Сол жағалау ПБ криминалдық полиция қызметкерлері жедел іс-шаралар барысында Жамбыл облысының 23 жастағы тумасын қамауға алды. Ол ҚР Қарулы Күштері қатарында жұмыс істеген кезде әріптестерінің сеніміне кіріп, олардың жеке деректері арқылы микро-қаржы ұйымдарында несие ресімдеген. Тергеу жұмыстары барысында жәбірленушілерге 400 000 теңгеден астам материалдық залал келтірілгені анықталды.
Аталған факті бойынша ҚР ҚК 190-бабы 2-бөлігі «Алаяқтық» бойынша сотқа дейінгі тергеу басталды.
