Әлем • 21 Шілде, 2021

Қазандағы атыс: Қылмыскердің психикалық ауытқуы болған

338 рет
көрсетілді
1 мин
оқу үшін

Медициналық сараптама қорытындысы бойынша Қазан қаласының №175 мектебінде жаппай атыс ұйымдастырған Ильназ Галявиевтің психикалық ауытқуға ұшырағаны белгілі болды, деп хабарлайды Egemen.kz РИА Новостиге сілтеме жасап.

Қазандағы атыс: Қылмыскердің психикалық ауытқуы болған

«В.П Сербский атындағы Әлеуметтік және сот психиатриясы мемлекеттік ғылыми орталығы Қазанда атыс жасаған Ильназ Галявиевті жаппай кісі өлтіру кезінде психикалық ауытқулары болды деп таныды», делінген қоғамдық бақылау комиссияларының ресми органы – «ОНК газеті» басылымында.

Еске сала кетсек, 11 мамырда Ресейде жаппай кісі өлтіру оқиғасы орын алған болатын. Тергеу мәліметтері бойынша 19 жастағы Ильназ Галявиев №175 гимназияда атыс ұйымдастырған. Нәтижесінде тоғыз адам, оның ішінде жеті бала мен 25 жастағы ағылшын тілі мұғалімі Эльвира Игнатьева, 55 жастағы бастауыш сынып мұғалімі Венера Айзатова қайтыс болып, 24 адам зардап шеккен еді.