Әлем • 22 Шілде, 2021

Қытай су тасқынынан зардап шекті

50 рет көрсетілді

Қытайдағы жерасты темір жол туннельдерінің бірін толассыз жауған жауын-шашын басып қалып, 12 адам қайтыс болды.

Әлеуметтік желілерде кешкі уа­қытта пойызға отырған жолаушылар суға тұншық­пас үшін бастарын су бетіне шығарып демалып тұр­ған бейнежазбалар тарап кеткен. Шенеуніктердің айтуынша, Хэнань провинциясындағы туннельдерден 500-ден астам адам құтқарылған.

Толассыз жауған жауын үлкен зиян келтірген. Барлығы 200 мың адам эвакуацияланған. Жер үстіндегі жолдар өзендерге айналып, жол үстіндегі көліктер мен қоқыстар сумен аққан.

Хэнань провинциясында оннан астам қала зардап шек­ті. Ел басшысы Си Цзиньпин сәрсенбіде «адам шы­­ғы­­ны мен материалдық шығын орасан» екенін ай­т­ты. Бірнеше бөгет пен су қоймалары қалыпты дең­ге­йі­­нен асып, жағадан шыққан өзендерді бұру үшін сар­­баз­­дар жұ­мылдырылды. Провинцияның көптеген аудан­ын­да әуе мен көлік рейстері және пойыздар тоқтатылды.

Өңір орталығы Чжэнчжоуда үш күннің ішінде орташа жылдық жауын-шашын түскен. Хэнань сенбіден бастап сирек кездесетін табиғи апаттардың бірін басынан кешірді. Жергілікті билік су тасқынын мың жылда бір рет болатын оқиға деп атады.

 

Соңғы жаңалықтар

Шаманың әні

Өнер • Кеше

Сотталған жырлар

Әдебиет • Кеше

9 ай «толғатқан» 9 пайыз

Экономика • Кеше

Атом көлге сапар

Аймақтар • Кеше

Ұқсас жаңалықтар