Қазақстан • 22 Шілде, 2021

Өндірістегі жазатайым оқиғалардан 78 адам қаза тапты

15 рет көрсетілді

Қазақстанда өндірістегі жазатайым оқиғалардан болатын өлім-жітім 9,3%-ға төмендеді, деп хабарлайды Egemen.kz Еңбек министрлігіне сілтеме жасап.

ҚР Еңбек және халықты әлеуметтік қорғау министрлігі Еңбек, әлеуметтік қорғау және көші-қон комитетінің деректері бойынша, ағымдағы жылдың бірінші жартыжылдығында өндірістегі жазатайым оқиғалардың нәтижесінде 691 қызметкер зардап шекті, оның 78-і қайтыс болды.

Осылайша, өндірістік жарақаттану деңгейі 2020 жылдың ұқсас кезеңімен салыстырғанда 2,8%-ға өсті. Ал өндірістік жарақаттанудан қаза табу жағдайлары 9,3%-ға төмендеді (2020 жылғы 6 айда өндірісте 86 адам қаза тапты).

Өндірістік жарақаттанудың жоғары деңгейі бұрынғыдай Қарағанды (139 адам зардап шекті), Шығыс Қазақстан (82 адам), Ақтөбе (56 адам), Павлодар (54 адам), Қостанай (49 адам), Түркістан (37 адам) облыстарында және Алматы қаласында (42 адам) сақталуда.

Экономика салалары бойынша зардап шеккендердің ең көп саны тау-кен-металлургия кешенінің кәсіпорындарында – 134 адам (19,4%) және құрылыс саласында – 80 адам (11,6%) байқалады.

Соңғы жаңалықтар

Шаманың әні

Өнер • Кеше

Сотталған жырлар

Әдебиет • Кеше

9 ай «толғатқан» 9 пайыз

Экономика • Кеше

Атом көлге сапар

Аймақтар • Кеше

Ұқсас жаңалықтар