Жедел деректер бойынша, алғашқы қайғылы оқиға 24-25 шілдеге қараған түні Ертісте Сычевка ауылының маңында болған. Мұнда 17 жасар жасөспірім суға батып кетті.
«2004 жылы туған жас жігіт қайыққа мініп жүзіп кетті. Қазір кәмелетке толмаған баланы іздеу жұмыстары жүріп жатыр. Сондай-ақ, 25 шілдеде Екібастұздан жиырма шақырым жерде Қаныш Сәтпаев атындағы каналда куәгер 2015 жылы туған баланың денесі табылды», деп хабарлады Павлодар облысы ТЖД баспасөз қызметі.
«Сол күні сағат 15.20-да Павлодардан үш шақырым жердегі Ертісте 1999 жылы туған жігіт тыйым салынған жерде суға кіріп, батып кетті», деп хабарлады ведомствоның баспасөз қызметі.
Өңірлік ТЖ Департаментінде павлодарлықтар құтқарушылардың ескертулерін елемейтінін атап өтті. Павлодар облысы ТЖД қызметкерлері демалушылардан тағы да тыйым салынған жерлерде шомылмауды және су айдындарында балаларды бақылап отыруды сұрады.
