Халық үкіметтің мейрамханаларға, барларға және басқа да мәдени және демалыс орындарына кіру үшін медициналық тексеруден міндетті түрде өту туралы шешіміне қарсылық білдірді.
Медициналық тексеру арқылы азаматтың толық вакциналанғаны, 24 сағат ішінде коронавирусқа қатысты сараптамасы оң нәтиже бермегені немесе алдыңғы алты айда COVID-пен ауырып, емделгені туралы ақпарат жазылған анықтама беріледі. Бұл талапты өткен аптада президент Эммануэль Макрон халықтың екпе алуын жеделдету мақсатында енгізген. Өйткені үкімет вирустың таралуына тосқауыл қоя алмай отыр.
Осы уақытта Лондонда да жүздеген адам вакцина алғандарға паспорт беру жоспарларына наразылық білдіріп, қала орталығындағы митингке шықты.
ELABE BFMTV 13 шілдеде сауалдама жүргізіп, француздардың басым көпшілігі (76%) президент Эммануэль Макронның вакциналауды медицина қызметкерлері, өрт сөндірушілер, қарт адамдармен жұмыс істейтіндер мен тағы бірнеше мамандық иелері үшін міндетті ету, ал екпе алмаған жағдайда айыппұл салу туралы шешімін қолдамайтынын хабарлады.
Наразылыққа шыққандар мұны алып тастауды талап етті.
Денсаулық сақтау министрі Оливье Веран Le Parisien оқырмандарына індеттен құтылудың жолы осы деген мәлімдеме жасады.
Францияның ондаған қаласы мен елді мекенінде митингілер өтіп жатыр. Атап айтар болсақ, Валанста, Лионда, Осерде, Бург-Ан-Бресте, Гренобльде халық жаппай акциялар ұйымдастыруда.
