Әлем • 26 Шілде, 2021

Карантиндегі «бэби бум»

Өткен жылдың соңында Қытай және Жапониядан тарап жатқан ақпарат көздері карантинде дүниеге келген бөпелер жайлы ақпаратты жиі жариялаған болатын. Тек екі ел емес, мұндай құбылыс ЕО, Батыс елдерінде де байқалған. Бірқатар еуропалық демографтар карантин мен пандемия кезінде өзін-өзі оқшаулауға байланысты нәрестенің жаңа толқынын өткен жылы болжап қойған, деп хабарлайды Egemen.kz Рейтинг.kz сайтына сілтеме жасап.

Гүлбаршын АЙТЖАНБАЙҚЫЗЫ

Energyprom веб-сайты карантиндік шектеулер азаматтардың балалы болуға деген ұмтылысының едәуір артуына әкелді деп хабарлаған. Британдық дәрігер Адриан Лоуер карантин халыққа денсаулық, оның ішінде репродуктивті денсаулық туралы ойлауға уақыт пен негіз берді деп санайды. Осылайша, пандемия дәуіріндегі нәресте бумы әдейі жасалады. Басқаша айтқанда бұл балалардың бәрі алдын ала жоспарланған әрекеттердің нәтижесі. Швейцарияның генетикалық сынақ және консервациялау мұрасы Legacy кейбір карантиндік күндерде тапсырыс 10 еседен астамға өсті дейді.

Данияда орналасқан ExSeed, бала тууды үйде тексеретін компания карантин кезінде қымбат (150 фунт) сынақтарға тапсырыс үш есеге артқанын хабарлады. Сондай-ақ, құнарлылықты емдеудің сандық платформасы - француздық Apricity қызметіне сұраныс артты.

Біздің елдегі карантиннің демографиялық көрсеткішке әсері жайлы толыққанды ақпараттар енді жариялана бастады: Жыл басынан бері Қазақстанда 100,5 мың бала дүниеге келді - бұл барлық соңғы жылдардағы ең жоғары көрсеткіш, таратып айтқанда жаңа туған сәбилердің табиғи өсімі 8,4 пайыз жоғары.

Салыстыру үшін:

2020 жылдың бірінші тоқсанында Қазақстан Республикасында 92,7 мың нәресте дүниеге келді - бұл 2019 жылмен салыстырғанда 0,8% ғана көп.

Жалпы алғанда, елде нәресте «бумы» 2020 жылдың үшінші тоқсанынан бастап жалғасуда, бұл кезде бірден 116,7 мың нәресте дүниеге келді, бұл өткен жылмен салыстырғанда 8,4% артық. Осыған ұқсас жағдай 2020 жылдың төртінші тоқсанында байқалыпты. Өткен жылдың қортындысы бойынша 111,7 мың «карантиндік бала» дүниеге келді – бұл 2019 жылмен салыстырғанда 9,5% көп.

Салыстыру үшін: 2019 жылы туылғандар санының өсуі 2018 жылға қарай тек 1,3% -ды құрады. Ағымдағы жылдың бірінші тоқсанының қорытындылары бойынша Қазақстан Республикасындағы халық саны 18,94 млн адамға жетті.

Күннің маңызды және өзекті жаңалықтарын «Егемен Қазақстан» телеграм каналынан оқыңыз