«Осыған байланысты ғарыштан мониторингілеу нәтижесінде, анықталған қоқыс қалдығының орнын жою үшін арнайы кесте жасақталды. Аталған кестеге сәйкес рұқсатсыз қоқыс үйінділерін жоюға бір ай мерзім белгіленді», деп хабарлады департаменттің баспасөз қызметі.
Департамент мамандары қалалық әкімдік, полиция өкілдерімен бірге тұрмыстық қалдықтарды тастағандарды анықтау мақсатында рейд өткізді. Іс-шара кезінде Атырау қаласының Жұмыскер шағын ауданында рұқсат берілмеген қоқыс орындарына бақылау жүргізіліп, тұрғындарға түсіндіру жұмысы жүргізілді.
Сондай-ақ қоршаған ортаға немқұрайды қарау деректері Құрманғазы ауданында да кездесіп отыр. Мәселен, №7 өткел тұсында STA Profit Group ЖШС тастап кеткен жер учаскесінде орналасқан мұнай қалдықтары анықталды. Ал Құрманғазы ауылында тұрмыстық қатты қалдықтар жинайтын, сарқынды сулар төгілетін булану алаңдар қоршалмаған. Қоқыс алаңына жайылған мал оған еркін кіреді. Мал өлекселері арнайы алаңның сыртына тасталған.
Атырау облысы
