Әлем • 29 Шілде, 2021

Өзбекстанның археологиялық ескерткіштері бірыңғай электрондық реестрге біріктіріледі

555 рет
көрсетілді
1 мин
оқу үшін

Өзбекстан Республикасының археологиялық ескерткіштері бірыңғай электрондық мемлекеттік реестрге біріктіріледі, деп хабарлайды Egemen.kz Түркі академиясының ресми сайтына сілтеме жасап.

Өзбекстанның археологиялық ескерткіштері бірыңғай электрондық реестрге біріктіріледі

Осыған байланысты Өзбекстан Олий Мажлисі Заң шығару палатасының Ғылым, білім, мәдениет және спорт жөніндегі комитеті «Археологиялық мұра объектілерін қорғау және пайдалану туралы» заң жобасын талқылауға арналған семинар өткізді.

Аталған заң жобасы ғылыми негізделген терминологияны көрсету, археологиялық ескерткіштердің бірыңғай электронды мемлекеттік реестрін енгізу және мемлекеттік қорық құру арқылы нысандар мен оларды тіркеу жүйесін реформалау мәселелері қамтылған. Бұл археологиялық мұраны сақтауға көмектеседі.

Сонымен қатар, құжат материалдық және мәдени мұра объектілерін қорғауды, ғылыми тұрғыдан зерттеуді, оларды ұтымды пайдалану мен елдің туристік әлеуетін арттырудағы рөлі мен маңызын арттыруды, сондай-ақ материалдық және мәдени мұраларға мемлекеттік бақылауды түбегейлі жетілдіру көздейді.

Семинар қорытындысы бойынша қатысушылар заң жобасы қатысты ұсыныстарды біріздендіру, сондай-ақ оларды жобаны жетілтіру барысында ескеруге уағдаласты.

Соңғы жаңалықтар

Су үнемдейтін қондырғы

Технология • Кеше