Әлем • 05 Тамыз, 2021

Лукашенко Беларусь шекарасын әр метріне дейін жабуды тапсырды

176 рет көрсетілді

Беларусь Президенті Александр Лукашенко мемлекеттік шекараны әр метріне дейін жабуды тапсырды, деп хабарлайды Egemen.kz.

Бұл туралы БЕЛТА ақпараттық агенттігі мәлімдеді.

Агенттік мәліметінше, ел Президенті қауіпсіздік қызметкерлеріне мемлекеттік шекараны күзету және оны бұзу дерегінің алдын алу бойынша жұмысты күшейтуді тапсырған.

«Бүгіннен бастап Беларусь аумағына оңтүстіктен де, батыстан да ешкім аяқ баспауы керек. Оны қалай істейтініңізді кездесуден кейін талқылаймыз. Мемлекеттік хатшымен жиналасыздар. Мұнда ішкі істер министрі, қорғаныс министрі бар. Шекараны әр метріне дейін жабыңыз. Шекара әскерлеріне, жалпы күш құрылымдарымызға үлкен қаражат бөлінген, бұл бекер емес.

Халық тыныштықта болуы керек, оларды қорғайтын адамдар бар екенін білуі керек. Ал ол біздің қолымызда. Олар (көрші елдер) шақырған адамдарды ресми өткізу бекттері арқылы қуып шығару тактикасын бастауы мүмкін (заңсыз мигранттар туралы. - ескерт. БЕЛТА). Қазірдің өзінде солай болып жатыр ... Оның салдары қандай болатынын білесіз. Сондықтан өздері ойлансын. Біз оларға ескерту жасадық, енді ойлансын», деді Лукашенко шекарадағы жағдай туралы кездесу барысында.

Соңғы жаңалықтар

Қош бол, Америка!

Әдебиет • Кеше

Смартфонға сыйған сауда

Технология • Кеше

Қарымды қаламгер

Руханият • Кеше

Халықаралық кездесулер

Қазақстан • Кеше

Ұқсас жаңалықтар