Бәсекеге 10 мемлекеттен 2 мыңнан астам делегат келеді. Қатысатын мемлекеттер: Қазақстан, Әзірбайжан, Армения, Беларусь, Молдова, Қырғыз Республикасы, Тәжікстан, Өзбекстан, Украина, Ресей Федерациясы. Сонымен қатар 1 200 волонтер мен 460 төреші қатысады. 16 спорт түрінен 184 жүлде жиынтығы сарапқа салынады.
Спортшылар бадминтон, 3х3 баскетбол, бокс, үстел теннисі, белбеу күресі, дзюдо, кураш, самбо, еркін және грек-рим күресі, каратэ, тай боксы, нысана көздеу, стенд ату, би спорты, футзал, көркем гимнастика секілді спорт түрлерінен бақ сынайды.
ТМД елдерінің сайысын боксшылар 2 қыркүйекте бастайды. 10 елдің 159 былғары қолғап шебері 26 жүлдені өзара бөліседі.
Сонымен қоса каратэ, самбо мен нысана көздеуден 10 мемлекеттің атлеті жарыс жолына шығады.
Айта кетейік, бұл дода былтыр тамызда өтуге тиіс болған. Алайда коронавирус пандемиясына байланысты бір жылға кейінге шегерілді.
