Аймақтар • 13 Тамыз, 2021

БҚО-да коронавирус жұқтырған 2415 науқас амбулаторлық ем қабылдап жатыр

64 рет көрсетілді

Батыс Қазақстан облысында коронавирус жұқтырған 2415 науқас амбулаторлық ем қабылдап жатыр, деп хабарлайды Egemen.kz.

БҚО денсаулық сақтау басқармасы басшысының орынбасары Гүлнәр Әбдірахманованың өңірлік коммуникациялар қызметі алаңында мәлім еткеніндей, олардың 66,8 пайызының ауруы жеңіл өтуде.

13,6 пайызының жағдайы орташа ауыр. 19,6 пайызы – симптомы жоқтар. Облыстық жедел жәрдем стансасына соңғы тәулікте барлығы 1115 қоңырау шалынды, соның ішінде КВИ бойынша – 181, стационарларға жатқызылғандар саны – 50.

Гүлнәр Мақсотқызының сөзіне қарағанда, қазіргі таңда 1459 төсектік 20 инфекциялқ стационарда (оның алтауы қалада, қалғаны аудандарда) барлығы 667 адам емделуде. Соның ішінде 109 төсектік жансақтау бөлімшелерінде 53 науқас жатыр. Бұлардың ішінде 50-і ауыр, үшеуі аса ауыр халде. 50,9 пайызы – ілеспелі патологиясы бар 60 жастан асқандар. 40 науқастың созылмалы дерті бар, 29-ы жүрек-қан тамырлары ауруларына, 11-і қант диабетіне шалдыққан. Инвазивті жасанды тыныс алу аппаратына 1, инвазивті емес осындай құрылғыға 31, оттегі концентраторына 18 науқас қосылған.

«Инфекциялық стационарларда жатқандардың 98 пайыздан астамы вакцина алмаған. Ал жансақтау бөлімшесіндегілер түгелдей егілмеген», деді Г.Әбдірахманова.

Күні бүгінге дейін облыста 181 491 адам вакцинаның бірінші, 138 911-і екінші компонентімен егілген. Індет басталғаннан бері коронавирус жұқтырған 32 844 науқастың 25 084-і немесе 76,3 пайызы жазылып шықты. 606 адам көз жұмды.

Соңғы жаңалықтар

Жібектің жарқын жеңісі

Спорт • Бүгін, 08:37

Үнді қыздары озды

Спорт • Бүгін, 08:35

Шипагерлік баянның берері мол

Қазақстан • Бүгін, 08:33

Валюта нарығындағы ахуал

Экономика • Кеше

Қоңырқай болмыс

Руханият • Кеше

Желтоқсандық журналист

Қазақстан • Кеше

Піл

Өнер • Кеше

Ұқсас жаңалықтар