ЕЛ БОЛАШАҒЫНА АРНАЛҒАН ИНТЕРАКТИВТІ САБАҚ

Ақпараттық технология неғұр­лым алға жылжып дамыған сайын, қолайлылық пен ізгі жетістіктер адамның өміріне де белсене арала­сып кетті. Жаңа техноло­гияның игерілуі әсіресе білім беру саласына зор серпін бергені белгілі. Мұны біз заман талабына сай бүгінде әр оқу ордаларында өтіп жатқан онлайн тәртібіндегі интерактивті сабақтар­дан анық байқай аламыз. Соның бірі Білім және ғылым министрлігі Балалардың құқық­тарын қорғау ко­митетінің ұйытқы болуымен өткен “Менің Отаным – Тәуелсіз Қазақ­стан” атты интерак­тивті сабақ еді. Елбасының биылғы “Жаңа он­жыл­дық – жаңа экономикалық өр­леу – Қазақстанның жаңа мүмкін­діктері” атты Жолдауын іске асыру жоспарына сәйкес ұйымдас­тырылған бұл сабақ барлық қазақстандық­тардың білім алуын, өркендеуін және әл-ауқатының артуын қамтамасыз ету мақсатында мемлекеттің атқарып жатқан шара­ларымен оқушыларды таныс­тыру мақсатында өтті. Қазақстан Республикасның  Тұң­ғыш Президенті мұражайы дирек­торы­ның орынбасары Ботагөз Қайыпова интерактивті сабаққа қатысып, оқушыларға Елбасы Жол­дауының мән-мағынасын, маңыз­дылығын түсіндірді. Ол сонымен қатар еліміз­дің басты байлығы – Қазақстан халқы арасындағы ынты­­мақ пен келісімді қадірлеуге, ұрпақтар сабақтастығын сақтауға үндеді. Осы интерактивті сабаққа қатысқан мектеп оқушылары өздерінің пікірлерін, отансүйгіштік пен білімге құштарлық туралы өз ойларын ортаға салды. Арай ҮЙРЕНІШБЕКҚЫЗЫ.