Спорт • 16 Тамыз, 2021

Винокуров «Астанаға» қайта оралуына қатысты пікір білдірді

257 рет

көрсетілді

1 мин

оқу үшін

Лондон Олимпиадасының чемпионы Александр Винокуров «Астана» велокомандасына оралғаны туралы пікір білдірді, деп хабарлайды Egemen.kz.

Гауһар ҚАПАШ

Винокуров «Астанаға» қайта оралуына қатысты пікір білдірді

Бүгін Винокуров спорттық команда жетекшісі қызметіне қайта оралатыны белгілі болды. Винокуров шабандоздар мен жеке құрамды, сондай-ақ жобаның барлық спорттық іс-шаралары функциясын өз мойнына алады.

«Бәрі жақсы. Жұмысты бастаймыз. Көп уақыт жоғалғанына қарамастан, болашаққа үмітпен және оптимизммен қараймыз», деді Александр Винокуров.

Айта кетейік, маусымда «Астананың» басқарушы директоры Яна Зель Винокуровтың кететінін мәлімдеген болатын. Бұл жаңалық спорт саласында наразылық тудырды, ал Олимпиада чемпионының өзі таңғалғанын мойындады.

Енді Винокуров қайтадан велокоманданы басқарады. Сондай-ақ Винокуров Қазақстан велоспорт федерациясының вице-президенті.