ЖАЗУШЫ ЕСІМІ БЕРІЛЕТІН БОЛДЫ

Сәбит Мұқановтың туғанына 110 жыл толуына арналған көлемді шара жайдары жазда аталып өтпек. Оған дейін ұйымдастырылған ал­қа­лы басқосулар академик жазу­шы­ның өмірі мен шығармашы­лы­ғын әр қырынан танытты. Сондай республикалық ғылыми-тәжіри­бе­лік конференциялардың бірі “Сә­бит Мұқанов: ұлттық әдебиет, мәдениет және тарих” деген атпен М.Қозыбаев атындағы СҚМУ-де өтті. Оған ақын Кәкімбек Салықов, бас­қа да өнер қайраткерлері қаты­сып, Сәбең жайлы естеліктер айтты. Ал  облыстық мәслихаттың кезектен тыс сессиясында еліміздің бір топ зиялы қауымының, жұрт­шылықтың Тимирязев ауданына жерлесіміздің есімін беру туралы ұсыныстары халық қалаулылары тарапынан бірауыздан қолдау тапты. Сөйтіп, Қызылжар өңірінде барлық аудандар қазақшаланды. Өмір ЕСҚАЛИ, Солтүстік Қазақстан облысы.