![Өскеменде фармацевт ұсталды](/media/2021/08/19/dari.jpg)
ШҚО Полиция департаменті баспасөз қызметінің мәліметіне сүйенсек, Новаторов көшесіндегі көпқабатты үй тұрғындары дәріханада кәмелетке толмағандарға «трамадол», «тропикамед» препараттары рецептсіз сатылып жатқандығы туралы арызданған.
Соған орай Есірткі қылмысына қарсы іс-қимыл басқармасының қызметкерлері сатып алушының кейпіне еніп аталған дәріханаға барды. Фармацевт оларға «тропикамед» препаратын 1200 теңгеге сатқан.
«Полиция қызметкерлері 48 жастағы фармацевтті ұстап, одан 11 дана «тропикамед» және 2 «Трамадол» препараттарын тәркіледі. Жиналған материал ҚР ӘҚБтК-нің 426-бабы бойынша дәріхана иесін әкімшілік жауапқа тарту үшін Медициналық фармацевтикалық бақылау комитетінің облыстық департаментіне жолданды», делінген ақпаратта.
Жыл басынан бері өңірде фармацевтикалық қызмет ережесін бұзудың 5 фактісі анықталған. Салынған айыппұлдың жалпы мөлшері – 1 805700 теңгені құрады.