![Батыс Қазақстанда 250 тонна пішен өртенді](/media/2021/08/22/pishen.jpg)
Оқиға 22 тамыз күні Сырым ауданы Жосалы ауылдық округінің орталығы Қоңыр ауылының шетінде орын алды.
Сағат 05.59-да «Жанғожа-С» шаруа қожалығы аумағында 1 мың шаршы метрді қамтыған үюлі тұрған 250 тонна пішен отқа оранды. Жалын аумағы 300 шаршы метр қора-қопсыны шарпып үлгерді. Зардап шеккендер жоқ. Тілсіз жау 19.11-де ауыздықталды.
20 тамыз күні Орал қаласы 1-саяжай қоғамдастығына қарасты «Автомобилист» саяжай қоғамы маңында 20 гектар құрғақ шөп пен 10 гектар орман өртенді. ТЖ департаменті (51 қызметкер, 10 техника), «Эсторал» ЖШС (8 қызметкер, 2 теплоход), орман шаруашылығы мекемесі (5 қызметкер, 1 техника) және «Жайық таза қала» ЖШС (2 қызметкер, 2 техника) күшімен өрт 21 тамыз күні сағат 00.53-те оқшауланып, 22 тамызда 09.28-де толықтай жойылды.
Дәл сол күні Бәйтерек ауданы Янайкин ауылынан 15 шақырым жерде 60 гектар аумақ (40 гектары – орман) өртенді. Жалын ТЖ департаменті бастаған мекемелер күшімен 21 тамызда сағат 12.01-де оқшауланып, 22 тамызда 20.08-де ауыздықталды.
Бүгін сағат 14.32-де Ақжайық ауданы Бударин ауылдық округінде шамамен 10 гектар құрғақ шөп пен 4 гектар орманда өрт шықты. Сондай-ақ, 22 тамыз күні сағат 19.51-де Бәйтерек ауданы Озерный ауылы маңында құрғақ шөп жанып, орманға қауіп төндіруде. Қазіргі уақытта оқиға өрт сөндірушілер жасағы екі өртті сөндіру үстінде.