Өрт 22 тамыз күні кешке Алмалы ауданы, Төле би көшесіндегі 273/6 үйде болған.
«15 қабатты тұрғын үйдің бесінші қабатындағы пәтердің 2 шаршы метр балконында тұрмыстық заттар жанып кетті. Өрт 21.33-те ауыздықталып, 21.36-да сөндірілді. Зардап шеккендер жоқ. Алдын ала болжам бойынша, өрттің шығуына қуаты аз өрт көзі себеп болған», деп хабарлады қалалық төтенше жағдайлар департаменті.
Департамент жалын ошағына арнайы өрт сөндіру құралдарын жеткізу қиын болғанын мәлімдеді. Оған тұрғын үйдің кіреберісіндегі көліктер мүмкіндік бермеген. Өрт сөндірушілер бесінші қабатқа көтерілу үшін өрт сөндіру баспалдағын қолданған.
Алматы қалалық ТЖД құтқару қызметінің жұмысына кедергі келтірмеуді сұрайды.
