Денсаулық сақтау министрлігі коронавирустық инфекцияның эпидемиологиялық жағдайына қараша айына дейінгі болжамды жаңартты. Пессимистік сценарий бойынша қыркүйекте тіркелген жағдайлардың орташа тәуліктік саны 6300 жағдайға дейін, қазанда 2400 жағдайға дейін болады деп болжануда.
«Қазіргі эпидахуалды саралай келе, қыркүйекте тәулігіне 5300-ге дейін, қазанда 1800-ге дейін адам вирус жұқтыру қаупі жоғары. Оптимистік көзқарас тұрғысынан елімізде қыркүйекте коронавирус жұқтырғандар саны 4200 жағдайға дейін, ал қазанда тәулігіне 1300 жағдайға дейін тіркелуі мүмкін», деді Денсаулық сақтау министрлігінің басшысы үкімет отырысында.
24 тамыздағы жағдай бойынша 123 226 адам коронавирусты емдеуді жалғастыруда, оның 28 577 науқас ауруханада, ал 94 649 адам амбулаторлық деңгейде.
