![Тәліптер Кабул әуежайына ауғандардың кіруіне шектеу қойды](/media/2021/08/26/a378e19d-41f8-4cf5-adfb-4fc0b59e78de.png)
РИА Новости мәліметінше, жергілікті тұрғындар әуежай маңында тәртіп бұзған және барлық есік жабық. Әуежайға кіру, шетелдік азаматтығы бар ауғандарға қатысты қосымша ескерту шыққанға дейін жабылады.
Бұған дейін БҰҰ-ның адам құқықтары жөніндегі жоғарғы комиссары Мишель Бачелет кеңсесінде «Талибан» содырларының өрескел заңбұзушылықтары туралы сенімді ақпарат бар екенін айтқан болатын. Ол бейбіт тұрғындарды тиісті сот шешімінісіз өлтіру, наразылықтарды басу және балаларды әскерге алу туралы айтты.
Бұған дейін «Талибан» қозғалысы қазіргі «Талибан» 20 жыл бұрынғыдан өзгеше екенін айтқан: Ауғанстанда билікке қол жеткізгеннен кейін содырлар адам құқықтарын, оның ішінде әйелдерді қорғауға, ешкімнен кек алмауға және жалпы есепке алуға уәде берген еді.
Кейінірек бұқаралық ақпарат құралдарында бұл ақпаратқа кері бірнеше жаңалықтар шықты. Мысалы, CNN телеарнасы «Талибан» өкілдері Ауғанстанның солтүстігіндегі Фаряб провинциясында 15 содырды тамақтандырудан бас тартқаны үшін бір әйелді өлтірді деп хабарлады.
Тәліптер жұмыс істейтін әйелдерге елде толық қауіпсіздік қамтамасыз етілгенше үйде отыруға, жұмысқа бармауға бұйрық берді. «Талибан» террористік тобының өкілі Забихулла Мужахид Кабулдағы баспасөз мәслихатында әйелдердің жұмысқа шығуына шектеу ұзаққа созылмайтынын айтты.