Музыкантқа мемориалды тақта қойылды

Өнер иесі 17 жасында дәл осы қара­шаңырақта филармония әншісі ре­тінде еңбек жолын бастаған.

Болат Сыздықов Қарағанды қа­ла­сының тумасы. Кезінде ол рес­пуб­­ли­калық «Гүлдер» ансамблінде, сон­дай-ақ «Арай» тобында өнер көр­сеткен. Ал ол құрған «Мюзи­кола» дуэ­ті елі­міздің музыка кеңіс­тігінде өте таны­мал болды. Тіпті музы­кант пен оның жұбы Карина Абдуллинаның атын осы топ шы­ғар­ды десе де болады.

 Музыкантқа арналған ескерт­кіш-тақтаны суретші Вла­ди­мир Проценко мен мүсінші Ринат Абенов жасаған.

Салтанатты іс-шараға қатыс­қан Қарағанды қаласының әкі­мі Ермағамбет Бөлекпаев бұл оқ­иға­ның кеншілер астанасының мә­де­ни өміріндегі айтулы оқиға бол­ғанын атап өтті.  Мемориалдық тақ­таның ашылуында сөз сөйлеген Ерлан Досмағамбетов досы туралы есте­лігімен бөлісіп, оның әндерінің адамды өмірдегі мақсатына жетуге үнемі құлшындырып отыратынын айтты.

Қазақстан Республикасының ең­бек сіңірген қайраткері Болат Мұрат­­ұлы Сыздықов жүздеген ән­нің ав­торы. Олардың арасында компо­зи­тордың туған қаласы Қара­ғандыға, кен­шілерге арнаған тамаша туындылары да бар.

ҚАРАҒАНДЫ