«Шикізатқа қол жеткізу мәселесі күн тәртібінде. Қарапайым ережені енгізу қажет: отандық өнеркәсіп үшін шикізат тауарларының бағасы қолжетімді, ал көлемі жеткілікті болуы керек. Жыл соңына дейін Үкімет бұл міндетті шешудің оңтайлы нұсқасын табуы тиіс. Бұл ретте біздің еліміздің ресурстық әлеуеті толық ашылмағанын, геологиялық зерттелуі төмен деңгейде қалып отырғанын ескеру қажет. Инвесторлардың геологиялық ақпаратқа қолжетімділігін кеңейту қажет. Ол үшін бытыраңқы ведомстволық ұйымдардың базасында тиімді, Ұлттық геологиялық қызмет құру керек», - деді Тоқаев осы Жолдауында.
Президент атап кеткендей, бұл ұйым, кімге және жер қойнауына қалай жол беру керектігін шешетін монополист болмауы керек.
«Жер қойнауын пайдалану саласы геологиялық барлау және жер қойнауын кешенді зерттеу тұрғысынан жаңа серпінге мұқтаж», - деді Мемлекет басшысы.
