Президент бұл ретте, ұстаздардың курстан өту үшін өз қалтасынан ақша төлеуіне жол берілмеу керектігін де атап өтті.
«Сонымен бірге, халықаралық білім олимпиадасынан жүлделі оралған оқушылардың ұстаздарын да моральдық және материалдық тұрғыдан ынталандырған жөн. Тұрмысы төмен отбасында өсіп жатқан балаларға орта білім берудің жалпыға міндетті стандарты аясында қолдау көрсету айрықша маңызды. Материалдық қолдау көрсету шараларын «Цифрлы ұстаз» білім беру жобасымен толықтырған жөн. Білім беру жүйесіне жігерлі әрі білікті мамандар қажет», деді Мемлекет басшысы.
