Білім • 02 Қыркүйек, 2021

Алматыда 1«Ю» сыныбы ашылды

33 рет көрсетілді

Алматыдағы №157 жалпы білім беретін мектепте биыл 1 «Ю» сыныбы ашылды, деп жазады Egemen.kz.

Фото: Александр Куприенко

Sputnik Қазақстан жазуынша, биыл мектепте бірінші сыныпқа 714 оқушы қабылданды. Дәстүрлі форматта оқу кезінде сыныптағы бала саны 25 оқушыдан аспауы қажет екені ескеріліп, мұнда 28 сынып ашылған.

Қазір №157 мектепте 1-11 сыныпқа дейін 4 862 оқушы бар. Мектеп 1 540 білім алушыға арналған.

«Alma City, BI Group және «Шұғыла» жаңа ықшам аудандарының салынуына байланысты мектепте сынып саны артты. Мектеп бойынша 1-ден 11-ге дейін 185 сынып бар. Ата-аналардың өтініші бойынша 1 118 оқушы онлайн оқытуға көшті. Дәстүрлі форматта 177 сынып екі ауысымда білім алады. Бірінші ауысымда 88 сынып, екінші ауысымда 89 сынып бар», деп түсіндірді Алматы білім басқармасы.

Мектепте 95 кабинет бар. Бұл Қазақстанның бас санитар дәрігері белгілеген барлық санитарлық норманы сақтауға мүмкіндік береді.

Соңғы жаңалықтар

Ұқсас жаңалықтар