Атап айтқанда, егер ерлі-зайыптылар арасындағы неке шартында бөлек меншік режимі белгіленбесе, нотариалды куәландыруға келесі шарттар енгізілмейді:
- Егер ерлі-зайыптылардың бірі Қазақстанда уақытша болатын шетелдік болып табылған жағдайда тұрғын үй сатып алу жөніндегі шарттар;
- Егер ерлі-зайыптылардың бірі осындай жер учаскесін сатып алуға құқығы жоқ тұлға болып табылған жағдайда, жер учаскелерін сатып алу жөніндегі шарттар.
Сондай-ақ нотариус иеліктен шығаруды куәландырмайтын тармақ өзгертілді:
- Ауыл шаруашылығы өндірісін, шаруа немесе фермер қожалығын, жеке қосалқы шаруашылықты жүргізуге, орман өсіруге, бағбандыққа және саяжай құрылысына арналған жер учаскелеріне, шетелдіктерге, азаматтығы жоқ адамдарға, шетелдік заңды тұлғаларға, шетелдік қатысуы бар ҚР заңды тұлғаларына, халықаралық ұйымдарға, халықаралық қатысуы бар ғылыми орталықтарға, сондай-ақ қандастарға;
- Шетелдіктерге, азаматтығы жоқ адамдарға, шетелдік заңды тұлғаларға, шетелдік қатысуы бар ҚР заңды тұлғаларына, халықаралық ұйымдарға, халықаралық қатысуы бар ғылыми орталықтарға, сондай-ақ қандастарға ауыл шаруашылығы мақсатындағы жер учаскелерін беру;
- Мемлекеттік емес заңды тұлғаларға шаруа немесе фермер қожалығын, жеке қосалқы шаруашылықты жүргізуге, бағбандыққа және саяжай құрылысына арналған жер учаскелерін беру;
- Шетелдік жер пайдаланушылардың тұрақты жер пайдалану құқықтары;
- Ерекше қорғалатын табиғи аумақтар жерінде орналасқанын қоспағанда, жер пайдалану құқығын иеліктен шығару не жер учаскесіндегі жылжымайтын мүлікті иеліктен шығаруға не кепілге беруге байланысты оның кепілі жағдайларынан басқа, мемлекеттік жер пайдаланушыларға тиесілі жер пайдалану құқығы.
Хабарламада айтылғандай, жаңа ережелер ҚР Жер кодексіне енгізілген түзетулерге байланысты.
Бұйрық 2021 жылғы 13 қыркүйектен бастап қолданысқа енгізіледі.
