Оқиға • 07 Қыркүйек, 2021

Балқашта педофилді азаптаған полицейлер сотталды

449 рет

көрсетілді

1 мин

оқу үшін

Балқашта төрт полицей педофилді азаптағаны үшін сотталды. Олар 9 және 10 жылға сотталып, шенінен айырылды, деп хабарлайды Egemen.kz.

Дана МЫРЗАҚАДІР

Балқашта педофилді азаптаған полицейлер сотталды

Балқаш қалалық сотында жергілікті криминалдық полицияның бастығы мен оның үш қызметкеріне қатысты үкім шығарылды. Оларға ҚР Қылмыстық кодексінің 146-бабы 3-бөлігі «Жәбiрленушiнiң денсаулығына ауыр зиян келтiруге немесе абайсызда оның өліміне әкеп соққан азаптау» бойынша айып тағылған.

«Төрт айыпталушының кінәсі толық дәлелденді. Бұл іс бойынша жиналған дәлелдемелер, сараптама нәтижелері мен жәбірленушінің айғақтары расталады. Сот айыпталушылардың екеуіне 9 жылға, тағы екеуіне 10 жылға бас бостандығынан айыру үкімін шығарды. Олар жазасын орташа қауіпсіздік колониясында өтейді, сонымен қатар олар үш жыл мерзімге мемлекеттік қызметте жұмыс істеу құқығынан және арнайы атағынан айырылады: отставкадағы полиция подполковнигі, майор, аға лейтенант және полиция лейтенанты», деді судья Бақтияр Аханов.